Wednesday, August 14, 2013

A poem by Ahmad Nadeem Qasmi

Watan k lie aik dua

Khuda kare kay meri arz-e-Pak per utray
Wo fasl-e-gul jise andesha-e-zawal na ho
Yahan jo phool khile, khila rahe sadion,
yahan khizan ko guzarne ki bhi majal na ho
yahan jo sabza ugay, wo hamesha sabz rahe
aur aisa sabz, k jiski koi misal na ho
ghani ghataen yahan aesi barishen barsaen
k patharon se bhi roeedgi mahal na ho
Khuda kare k na kham ho sar-e-waqar-e watan
aur is k husn ko tashweesh -e-maah o saal na ho
her aik fard ho tehzeeb o fan ka aouj-e-kamal
koi malal na ho, koi khasta haal na ho
Khuda kare k mere aik bhi hum watan k lie
hayat jurm na ho , zindagi wabal na ho

Khuda kare k meri arz-e-Pak per utray
wo fasl-e-gul jise andesha - e-zawal na ho !

(Ameen)